July 25-a NGO Coordination Committee huaihawta Manipur Zofate thlavang hauh leh tawrhpuina kawngzawh neih laiin, Vairengte ah lirthei vak vel awm lo turin dan tum a ni.
Vairengte All NGO leh All Village Council thutkhawm thuchhuak chuan, Thawhlehnia Manipur state-a Zohnahthlakte tawrhna avanga an thlavang hauhna leh tawrhpuina kawngzawh neih an rel a, hemi ni hian Vairengte khawchhunga dawr zawng zawng khar nise, an ti. Hei bakah hian Vairengte khawchhung paltlanga lirthei veivak reng reng a awm lohna turin chawhma dar 10.00 atanga kawngzawh tawp thleng dan nise, an ti bawk.
Kawngzawh hi hmunhniha inthenin, hmarlam leh chhimlam atanga zawh a, Zalen Veng kawn (Vairengte Bazar kawng) ah intawkkhawmin hun hman an tum a. Hemi nia kawngzawhte hian Manipur-a Zohnahthlakte tanpuina’n thawhlawm kenkhawm nise an ti.
Kawngzawh laiin Vairengte ah lirthei dang rih dawn
