Kawnpui kawng leimin
thawmthat dan tur rel
District Disaster Management Committee Kolasib chu an chairman, bawrhsap Robert C Lalhmangaiha hoin sawmbik mi thenkhat nen Thawhlehni khan an thukhawm a. Kawnpui atanga Durtlang (Tlang kawng) penna kawng min avanga harsatna awm leh hmalak dan tur an sawiho.
Chairman chuan tunhnai ruahsur avanga Kolasib district hmun hrang hranga inkalpawhnaa harsatna awm thin chu pawi a tih thu sawiin, a bikin Durtlang pennaa retaining wall chimin kawngpui a lak hek chu ngaihtuah hmasak a ngai tih a sawi.
Tunhnai ruahsurah National Highway 06, Durtlang atanga pawhtu chu Kawnpui atanga pen thlak tan tirhnaah retaining wall chim avangin a min a. Silpaulin-a khuh niin, a chhehvel thawmthat a ni. Amaherawhchu lirthei tlan tamna hmun a nih avangin daih rei leh tlo zawka thawmthat dan ngaihtuah a ni.
Kalkhawmten an sawiho hnu in, hemi peng piah lawka Darnam peng chu four lane kawngpuiin a la tihchhiat dawn tho avang leh a laih hun chhung a duh rei dawn avangin Durtlang penga kawng min chu a min belh zel lohnan chak taka hma lak nise tiin an rel a. SDO(C) Kawnpui, Police, PWD, Project Pushpak, Kawnpui leh Zanlawn leh Serkhan VCP theuh leh mi pawimawh dangten an enho tawh a ni.
Kawnpui kawng leiminthawmthat dan tur rel
