Kawnpui – Khamrang kawng
chhia siam chak dan tur enpui
National Highway 306&06 Kawnpui to Khamrang kawng chhe lai chu Zirtawpni khan Kolasib district bawrhsap Robert C Lalhmangaiha’n a hmunah a enfiah a. NHIDCL contractor BR Goyal Construction Company chuan kawngpui thawmthat hna hi an thawk mek a ni.
Bawrhsap-in NH 306&06 a tlawhnaah hian lirthei tangkhang mumal taka chhuah dan tur, him taka lirthei an insulpel theihnan traffic management fel neih dan tur bakah excavator leh leilaihna khawl dang leh thawktu tam zawk dah dan tur sawiho a ni. Security leh IR Police dah belh dan tur pawh sawi a ni bawk.
Kawngpui hi tha taka siam a nih theihnan lirthei intlan chkawk lailawk dan tur pawh sawi a nih rualin, Kawnpui to Khamrang hi Mizoram luhka pawimawh a nih avangin state chhung mipui nitin mamawh – buhfai, oil, gas leh damdawi phur lirthei erawh chatlak loa a kal dan tur ngaihtuah a ni.
Bawrhsap hian tunhnaia Kawnpui daia leimin a enfiah nghal a. He leimin hi Border Road Organisation 74 RCC-in siamthat hna thawkin retaining wall an rem mek a ni.
NH 306&06 thawmthat mek chak zawka thawh a nih theihnan Kolasib bawrhsap ho hian Ningani khan thutkhawm a lo ni tawh a. District administration, DRDO project director, addl SP, NHIDCL aiawh, Khamrang leh Kawnpui VC, KDTOA (Joint Action Committee) leh NHIDCL contractor-te an tel.
Kawnpui – Khamrang kawngchhia siam chak dan tur enpui
