Kawnpui, Durtlang junction leh Khamrang inkar national highway chu Mizoram PWD-in chak zawka kawng siam hna a chhunzawm theihnan Kolasib SP chuan dan tlawhchhan hmangin lirthei chet vel dan turah thupek a chhuah a. lirthei tlan dan tur a ruahman.
Zing dar 8.00 atanga tlai dar 5.00 inkarah MMV chin chunglam tan tlan phal loh a ni a. Tlai dar 5.00 atanga a tuk zing dar 8.00 inkarah MMV chin chunglam lirthei tan kawng hawn thin a ni ang. He thupek hian LMV (pik-up) chin hnuailam a huam loh bakah passenger phur lirthei eng chi mah a huam lo a ni.
He thupek hian tul bik thila magistrate, police, security force /army, Fire & Emergency Services, ambulance leh MPWD kawng siamna bungraw phur chetvelna a huam lo a. He thuchhuah chungchanga harsatna nei chuan Kawnpui Police Station officer -in- charge (Ph. No. 9612177139) ah biak theih a ni. Thupek zawm lo chu 179 MV Act hmanga hrem an ni dawn tih a sawi.
Kawnpui – Khamrang lama lirthei tlan dan tur ruahman
