Pi leh pu ten laichin hnai lutuk nena inneih a tha lo an lo ti thin kha a ni a, engtin nge a that loh dan hi an hriat ni ang aw? Hetiang hi mithiam zawk te pawhin an sawi dan a ni tlat mai. Thisena inhnaih lutuk te nupaa an insiam chuan an fate tan piansualna chi hrang hrang risk a sang niin mithiam ten an sawi.
First cousin marriage an ti a, pa te unau emaw nu te unau emaw, thisena la inhnaih lutuk te an inneih chuan an fate an piansual theihna risk chu thisena inhnaih ve lo te aiin a letin a sang niin an sawi.
University of Bradford leh University of Leeds a mithiam ten zirchianna neiin, kum 2007 atanga 2011 inkara naupiang 11,000 sample-a hmangin, chung zinga nau 2,000 chu first cousin te inkara piang an ni. Mithiamte chuan hetianga thisen inhnaih lutuk fate hian rilru lamah harsatna an thawh theihna risk a sang niin an sawi a, a bik takin thil zir thiam theihna leh chhinchhiah theihna lamah chak lohna theihna risk a sang zual niin an sawi.
He zirchianna hi ‘Born in Bradford’ an ti a, first cousin ni kher loah pawh in chhung hnai lutuk te inkara piang nau tan piansual theihna risk hi a sang ve tho niin an sawi bawk. He zirchianna chungchang hi The Lancet-ah tarlan a ni.
Kawppui atan thisen zawm hnai lutuk neih a tha lo
