Kawr ban sei ber
Fashion designer pakhat chuan mipa hak chi kawrfual a thui a, a bân a’n tisei mai mai khawp a, meter zet a 50 a sei niin, Guinness World Records-in khawvela kawr bân sei berah a puang.
He designer hi a hming chu Samuel Chinecherem Ezeh, kum 27, a ni a, Nigeria a cheng a ni. A kawr thui hi a ban a tisei ngang mai a, meter 51.2 (feet 167.97) a sei niin, record a siam pui ta a ni. He kawr thui nan hian darkar li chiah hun a hmang lehnghal.
Samuel hian a record siam tumnaah hian sponsor-tu tur a zawng a, mahse, a tuipuitu a hmu vak lo a ni ang, a sum sen zawng zawng 70% chu amah a intum vek a, tunah chuan record a siam ta bawk a. a kawr ban sei hi khawvel hmun hrang hrangah ‘show’ kual tumin hma a la leh tan ta a ni.
Samuel hi Chukwuemeka Odumegwu Ojukwu University a zirlai niin, a lehkha zirna sum mamawh phuhru turin fashion designer leh puanthui angin a thawk kawp nghal bawk a ni.
Kawr ban sei ber
