|henkhat chuan zing thawh hlima coffee han in khalh khalh mai hian mi a tiharh sawng sawng te pawh an ti thin. Coffee in hi taksa tana a that theihna chi hrang hrang a awm a, exercise lak zawh hnua in te hian exercise lak avanga tihrawl tihnat theihna risk te pawh a tihniam niin an sawi a, Alzheimer’s disease risk a tihhniam bakah depression risk te pawh a tihniam thei niin an sawi. Mahse, coffee chu a in hun kan hriat a pawimawh a, tun tumah hian Times of India health section-in kawruah laia coffee in that lohna ni a an sawi te kan rawn tarlang e.
1. Coffee hian kan digestive system a tibuai ve thei. Pumah acid a siam hnem a, kawruah laia kan in a nih phei chuan a acid siam chuan pum chhung a lo ei chhia a, indigestion leh thinthip (heartburn) te pawh a thlen thei.
2. Kawruah laia coffee in hian circadian rhythm a tibuai vek thei. Kan taksain hormone chi hrang hrang a tichhuak a, a bikin zingkarah hormone chikhat cortisol a tichhuak nasa a, chu chu min tiharhvanga min tiphurtu hormone a ni a, kawruah laia coffee kan in chuan he cortisol insiam tur hi a tibuai thei a ni.
3. Zingkar kawruah laia coffee in chuan kan taksain mineral pawimawh tam tak a hloh phah thei a, calcium, potassium leh magnesium te zun hmangin kan taksa atangin a paihchhuak nasat phah thei.
4. Coffee-ah hian nutrition a awm teh vak lo a, chutihlaiin calorie a tam thung a, chuvangin, zingkar kawruah laia in atan chuan a tha tehchiam lo a ni.
5. Caffee-ah hian caffeine a awm a, caffeine chuan keimahni a awmsa thil lo thleng lo beilet tura inrinna emaw tlanchhe tura inrinna emaw a rawn tiharh thei a, zirchianna hrang hrang an neih tawh atanga a lan danin kawruah laia coffee in fo hian anxiety a tizual thei a, anxiety attack te pawh a thlen thei.
Kawruah laiin coffee in suh
