Walking an tia, ke a kal tihna a ni mai, hei hi hrisel nan leh rihna tihhniam nana kawng awlsam leh nuam ber niin mithiam ten an sawi. Kum upa leh naupang deuh tan pawh a tha vek. Tun tumah hian Healthy Living Diet Clinic, Mumbai-a Sr. Registered Dietician and Diabetes Educator, Sunita Pathania-i’n ke a kal thatna hrang hrang ni a a sawi, Times of India health section-a an tihchhuah te kan rawn tarlang ve e.
1. Regular taka walk hi lung (heart) hrisel nana exercise tha ber pawl a ni. Regular taka ke a kal thin te chuan lung lam natna hrang hrang neih theihna risk an nei hniam a, heart attack leh bypass surgery tawk tawh te tan pawh dam chakna a ni a, heart attack tawh nawn leh theihna risk a tihniam bawk.
2. Nitin ke a kal hian nupa nun hmanna kawngah mi a tichak thei. Blood circulation a titha a, mipa mipat theihna a tichak thei.
3. Taksa in-fit nan a tha hle. Regular taka ke a kal hi taksa in-fit theihna awlsam ber a ni.
4. Walking chu aerobic exercise a ni a, mi a ti harhvangin, mood ti-up-tu tha tak a ni.
5. BP sang nei tan a tihhniamna tha tak a ni. Regular taka ke a kal hian thisen luang a tichak a, tihrawlah oxygen supply a ti tam a, chu chuan thisen zam a tihah dam thin.
6. Ruh a tichak a, ke leh kawng bawr bakah hnungzang ruh tan exercise tha tak a ni.
7. Mood ti-up-tu a nih avangin depression a veng thei. Depression nei te pawh regular taka walk thin te chu an dam chak zawk.
8. Ke a kal hian thluakah oxygen supply a ti tam a, mi a tiharhvang thei a, thluaka chemical chikhat adrenaline a tichhuak hnem a, chu chu thluak tichaktu tha tak a ni.
9. Zan mut theih loh i nei thin a nih chuan, i mut hmain walk thin rawh, hei hian mut a ti tui thei.
10. Naupai laia regular taka ke a kal hian naupai leh a kaihhnawih vanga harsatna chi hrang hrang kan thawh theih risk a tihniam a, gestational diabetes risk pawh a tihnaim thei.
11. Nikhatah pen 5,000 vel i kal hian i taksaa thau chuangtlai paihna tha tawk tak a ni.
12. Ke a kal hian taksain natna a do theihna a tichak a, hritlang lakah mi a veng thei.
13. Cholesterol sang tur venna tha tak a ni.
Ke a kal \hatna
![](https://theaizawlpost.org/wp-content/uploads/tap_logo-min-large.jpg)