Keite in Bus a bei

Bengaluru’s Bannerghatta Biological Park (BBP) bulah Keite in bus pakhat chu beiin, tihnat erawh a nei lo.
He Keite hi park chhunga khawsa a ni a, a dahna hmun atanga chhuak a nih thu thuneitute chuan sawiin, mihring hliam a nei lo a, bus chhunga mite hi an inkharphui vek avangin a hnuah a kalsawn leh mai nia sawi a ni.
BBP enkawltute chuan Keite in a tihbuai ber hi khualzinte phurtu bus a ni a, Keite hian hemi kher hi va panin, a bei zui ta mai a. Mahse, a chhunga chuangte an inkharphui that avang leh tihnat tum lova an en liam theih mai avangin engmah harsatna a thleng zui lo niin an sawi.
AV Surya Sen, BBP a dy. conservator of forest chuan a chang chuan heng keite te hi lo chhuakin, tha takin an awmna hmunah an let leh mai thin a, tumah tihnat an nei ngai lo. Tun tuma mi pawh hi khualzinte bus tih a hre ve deuh a ni mai thei, mahse eng pawimah a thleng lova a lawmawm hle, a ti a. Zingah chhuakin, tlaiah tha deuha an awmna hmuna an kir leh mai chang hi a awm, a ti bawk.
Keite in bus a beih lai hi mita hmutute an awm tam hle a, video hmanga la in, a him chin atanga an lo thlir thu an sawi hlawm a, a mi chuangte pawh a tirah chuan hlauthawng takin an awm hman thu an sawi. Keite hian hun engemawtichhung chu he park tlawhtute nunphung a tibuai hman a ni.