Kenya khawthlang kama Kericho-ah ruang 32 chuang, a tam zawk naupang hmun khatah hai chhuah a ni a, mi barakhaih tak thil hmuh chhuah hi chhui zui nghal mek a ni.
Police-in court atanga ruang 14 hai chhuah phalna an hmuh hnuah hai chhuah a ni.
Sotrar pathologist Richard Njoroge-a chuan Thawhlehni zan khan ruang an hai chhuahte hi a pangngai awm tawh mang lo an nih hlawm thu leh ip chhungah hnawh a ni tih a sawi a, ruah sur nasain a tihbuai avangin nilenga buaipui a ni tih thuthar lakhawmtute hnenah a sawi.
Post-mortem examination tih tur niin tute nge an nih leh engvanga thi nge, tute thah nge an nih chhui duhna thawm a ring tawh hle.
Njoroge-a chuan ‘puitling pasarih leh naupang 25’ an nih tih sawiin naupang thenkhat hi chu nau nawi leh piang hlim an nih thu a sawi a. Taksa peng eng emaw zat an la chhuak bawk.
Pathologist hian ruang thenkhatte hi damdawi in atanga laka phum a nih a rinawm thu a sawi a, thil chiang erawh endik hnuah a chian chauh tur thu a sawi.
Puitling ruangte hi a chhe nasa zual a, naupangte hi chu a la chhe nep deuh va, hei vang hian an thih hun hi a inrual lo a ni thei tih a sawi.
Kenya-ah hriat loh ruang 32 hai chhuak, chhui zui mek
