Kenyan khawpui, Nairobi-a eptu hruaitu thi, Raila Odinga-a ruang dahna khelmuala luh tum mipui inhawr khawm hnawh darh nana venhim hna thawktuten silai leh teargas an kah chhuah avangin mi pali an thi niin tual chhung chanchinbuten an tar lang.
Kum 80 mi, Odinga hi kum tam tak chhung Kenyan politic-a mi langsar ni tawh niin politic avangin lung in pawh a lo tang tawh a, vawi nga lai president ni tawhin Nilaini khan India-a a inenkawlna hmunah a thi a ni.
Ningani khan zing hma tak atangin amah thlawptu mipui sang tel hu a ruang hmuh tumin an pung khawm tan a, Nairobi-a khelmual lian ber luhna gate an bawhchhia a, a hnawh nan sipaiten van lam hawiin silai an hmet puak niin Reuters chuan a tar lang.
Police chuan khelmual chhungah hian mi pahnih kah hlum niin Reuters a hrilh a. KTN News leh Citizen TV chuan a hnuah thi zat hi pali tiin an puang a, hliam tam tak an awm bawk niin an tar lang.
Venhim hna thawktuten silai an hmeh puah hnuah police hian tear-in an phuh leh niin broadcaster pahnih hian a tilang a, khelmual hi a ruang zui vek bawk.
A hma lawk, tuangin Nairobi-a international airport a thlen lai pawhin mipuiin an chim buai tawh a, President William Ruto leh mi pawimawh dangten sipai chawimawina nena Odinga-a ruang an lo dawngsawng tur an tibuai a ni.
Mipui tam lutuk avang hian darkar hnih lai tumhmun hi hna thawk thei lovin a awm phah.
Mipuite hi a bul hnai kawngpuiah pawh awmin sorkarin vantlang tana ruang hmuh theihna hmun siam a tumna, parliament-a luh pawh an tum.
Eptu hruaitu anga hriat hlawh, Odinga-a hi kum 2008 khan prime minister a ni a, nikum khan Ruto-a nen inremna siamin a tanna a thlak bawk.
Amah tantute hi a hmin hneh hle thin a, a bikin Kenya khawthlang lam, Luo hnam zingah a tla na zual a, president atanga a thlak pawhin inthlan tihchingpen vangah an puhsak tlat a ni.
Odinga-a suntu zinga tam tak hi an ramin mipui rorelna, party tam tak awm theihna a neih tan, kum 1991 hnu lama piang an ni a, anni hian activist angin an ngai hlawm.
Kenyan eptu hruaitu, Odinga ruang en tum kahnaah mi pali thi
