Kerala Governor Arif Mihammed Khan chu issue tinah harsatna siam tum tia sawiin Chief Minister Pinarayi Vijayan chuan Union Government chuan Governor in protocol a bawhchhiat fo chu a enfiah tur a ni, a ti a.
“A hmain Governor hian Kerala-a boruak muanawm tak chu tihchhiat a tum tiin ka sawi tawh a. A hnu zela a chetlak dan chuan ka thusawi dikzia a tarlang a ni. Governor hian a dinhmun leh nihna a theihnghilh fo va, he a dinhmun luah mek tihawm loh tur ang takin chet a la \hin,” tiin Vijayan chuan a sawi bawk.
Chancellor nih anga Governor chetlak dan chuan lungawilohna a thlen lo thei lo. Chancellor chuan University senate a awm tur University-in panel a pek a nominate mai tur a ni a, mahse, ani chuan Rashtriya Swayamsevak Sangh (RSS) tena list an peka mi a thlang zawk a ni.
“Governor hian a discretionary power chu senate uat nan a hman thu a sawi a. Mahse, chu thuneihna chu University in panel hming a pek te a\ang chauhin a thlang thei. Ama thuin a duh ang mi a ruat ngawt thei em ni? University-in panel a pek mihringte chuan qualification mamawh engkim an nei vek a, Governor-in nomination a pek te erawh RSS te criteria a tlingte chauh an ni a. Hei vang hian a nia zirlai ten lungawilohna an lantir reng ni,” tiin Vijayan chuan a sawi bawk.
Governor chu lungawilote laka \awngkam na tak hmanga criminal leh goonda te a tih chu a dinhmun nen a inmil thei ngang lo bawk a ti bawk a. “A dinhmun ang luahtuin nge a laka black flag vaitute mimal taka tawng tawh ngai? Democratic system-ah chuan right to protest a awm a ni. Keini pawh lungawilohna min lantir khumin mimal takin kan inrawlh ngai lo. Heng hunah te chuan police-te an inrawlh mai,” tiin a sawi bawk.
Supreme Court judge hlui Justice Rohinton Nariman-an Khan chungchang ni hnih kaltaa a sawi chungchangah sawiin Vijayan chuan ram pumin tunah chuan Governor chet dan an ngaihven tawh a ni. Justice Nariman an Governor chu legislature in bill an passed tawh te a \hut beh luih avangin a sawisel a, a hnua Supreme Court-in a hauh hnuah President hnenah a la thawn hram bawk tiin a sawi.
Kerala Governor harsatna siam tumah puh
