Kerela in ruahsur nasa la tuar zel thei dawn
Kerela chuan an state chhung hmun engemawzatah ruahsur nasa a la tuar zel a, India Meteorological Department (IMD) chuan ruah hi a la sur belh zel dawn niin a sawi.
IMD chuan an state chhung district pathum Pathanamthitta, Ernakulam leh Idukki te chu ruahsur nasa takin a la chenchilh dawn nia sawiin, a hma aia a la tam theih thu a sawi a ni.
Kerela ruahsur nasa avang hian kartawpah khan mi pakhatin nunna a chan thu sorkar chuan sawiin, ruahtui hian in tam tak a chim bawk thu a sawi.
IMD chuan state thenkhat chu tlema ruahtui dawng tlem deuh tur nia sawiin, yellow alert-ah a dah a, ruahtui dawng tam zual tura sawi (orange alert) a la awm nual bawk avangin sorkar chuan mipuite chu fimkhur reng turin a chah bawk.
State disaster management authority chuan tuilian leh leimin la thleng thei reng a nih avangin hmun him la pan hram hram turin ngenna an siam a, harsatna tawkte tan biak pawhna tur an la hrilh reng bawk a ni.
Kerela in ruahsur nasa la tuar zel thei dawn
