Khawzawl District Agriculture office hmalaknain nikum kumtawp khan Khawzawl district-a khaw 6 – Khawzawl, Rabung, Kawlkulh, Khawhai, Sialhawk leh Biate khuaah chhungkaw 94 in, tin 122 a zauah Nihawi (Sunflower) an ching a, khaw kheng leh khawvawt vangin beisei angin nihawi hi tha lo mah se kg. 6378.75 an thar chhuak thei a ni.
Khawzawl DAO Lallawmzuali sawi danin, nihawi ching tur hian khaw 6-ah hian nikum November khan hma lak tan a ni a. April leh May khan nihawi hi sengin khaw 6-ah kg. 6378.75 an thar a ni. Agriculture department chuan nihawichi hi a thlawnin a hriak a hersak a, a hriak an her chhuah hi litre khata packaging siamsakin loneituten anmahni thar ngei tel hrisel an ei theihnan loneitute hnenah tel hi an hlan let dawn a. Loneitute hian an tel thar hi an hralh duh a nih pawhin department hian a hralhna tur a ngaihtuahpui dawn a ni.
Khaw 6-in nihawi thar
