Mizoramah chuan April leh May thlate hi khaw lum hun a ni a, kuminah pawh a dan pangngaiin April leh May-ah khua a lum.
Tun hnai teah hian khua hi a lum zual a, State Meteorological Centre-a an chhinchhiah danin, May ni 19, ni 20 leh ni 21-ahte khua hi a lum zual.
Tun thlaa khaw lum ber laiin, May ni 20-ah khan 31°C a kai a, hei hi kumina khaw lum ber lai a la ni. May ni 19 leh ni 20-ahte khan 30°C a kai bawk.
Lum leh vawt chhinchhiahnaah hian ni khata a lum ber lai leh a hniam ber lai an chhinchhiah thin a, May ni 20-ah hian a lum ber laiin 31°C niin, a vawh ber laiin 23°C a ni. Mizoram sik leh saah chuan 23°C pawh hi a lum a, khami nia a vawh ber lai pawh 23°C a nih chuan khami ni khan khua a lum viau ang tih a chiang. May ni 19-ah a lum ber laiin 30°C a ni a, a vawh ber laiin 22°C a ni. May ni 20-ah a lum ber laiin 30°C a ni a, a vawh ber laiin 23°C a ni. A lum ber lai leh a vawh ber lai hi chawhruala lakin May ni 19-21 chhung khan khua a lum khawp mai.
Kum khat chhunga khaw lum ber ni hi April emaw May emaw a ni tlangpui a, kumin pawh hian April ni 24 leh ni 25 khan 31°C a lo kai tawh.
2025 leh 2024 khan May thlaah namen lovin ruah a tam a, chuti chung chuan a lum lai chuan a lum viau tho. 2025 May thlaa a lum ber laiin ni 9 leh ni 10-ah 31°C a kai a, 2024-ah pawh 31°C a kai. Kuminah May thlaah ruah a tam lo a, thla tawp lam a ni tawh chungin ruah a la tam lo, sur chu a sur. Ruah a tam lo zel a nih chuan May-ah hian khua a lum viau thei.
Khaw lum thla a nih rualin May thla hi ruah leh thlipui thawh thla a ni a, to haw thla niin, a hming pawh |omir thla a ni. Kuminah May thlaah tam tham a la sur lo a, thlipui pawh a la insum rih.
May ni 21 thleng khan ruah hi mm 129 a sur tawh a, kum hmasa ngaihtuah chuan hei hi tih tham a ni lo; 2014 May-ah khan ruah tui mm 519 a tla a, 2025 May-ah mm 620 a tla. Chutiang zat a tla chunga 31°C te a kai a nih chuan, ruah tam loh tumah khua a lum viau ang tih pawh a hlauhawm e!
Khaw lum hunah khua a lum
