2023 MLA inthlan dawna Pu Lalduhoma’n khawl changkang hmanga kawng an siam tur thu a sawi chu tuna Kawnpui – Sairang kawng siam mekah hmang turin thu an rawn tih Congress Thalai chuan an sawi.
ZPM Thalai-in an sawrkar inthlahdah vanga Mizoram chak lakna kawngpui, lirthei zawh hleih theih loha hun rei tak a awm hnua an hnatlang chu ZPM sawrkar mawng hlimnaah an ngai tih Congress Thalai Hqrs. chuan sawiin, hetiang bawka ZPM Legislature Party-in PWD minister rin tawk lohna motion move a, kawng siam mek vil tur minister leh MLA detailment an siam chu thil zahthlak a nih hria in, kawng enkawl kawngah an hlawhchham a ni tih pawm turin thurawn a pe tih a sawi a ni.
2023 MLA inthlan hmaa chief ministerial candidate puan inkhawmah Pu Lalduhoma’n ZPM a sawrkar rualin kawng chhia leh kawng tlo lo lutuk tih bo an tum thu, kum 15 daih kawng siam a nih tur thu, kawng siamna hmanrua, khawl changkang hman a nih tur thu a sawi lai a, ZPM Thalai-in kawng chhe siam hnatlangah chem, tuthlawh, bawngtuthlawh leh suahdur keng tura an inti leh si chu thil nuihzat thlak a ni loa, thil zahthlak tak a ni tih hriaa rang taka Pu Lalduhoma’n a sawi khawl changkang tinreng hmanga kum 15 daih kawng siam tura ngen zawk turin ZPM Thalai a hriattir tih a sawi bawk.
Khawl changkang hmangakawng siam turin thu rawn
