Khawlaiah KTP chhuak tan
Central KTP hnuaia Ruihhlo Do Committee chuan KTP Rorel Inkhawm Vawi 11-na in a rel angin CKTP Ruihhlo Do Street Ministry an kalpui mek.
Ruihhlo Do Committee hian kumin July atang khan Zirtawpni zan apiangin Aizawl khawpui chhunga hmun 14-ah KTP Branch hrang hrang insemdarhin ruihhlo ngaite ngaihven a, eitur pe in a tul angin counselling an pe a. Mizorama khaw hrang hrangah pawh KTP Branch-ten an remchan angin an nei a ni.
Street Ministry bakah hian KTP Branch tinin an huamchhunga ruihhlo avanga harsatna tawkte ngaihven tura ngen an ni a. Ruihhlo that loh zia thuziak pawh branch tin tar turin an inngen a; Aizawl khawpui chhung branch bik chu Aizawl Municipal Corporation-ah a hlawma tar phalna dil mek niin, khawpui pawn lamah chuan nasa taka hoarding tar a ni mek tih sawi a ni. KTP branch tinah ruihhlo that loh zia inzirtir turin an inngen tih sawi a ni bawk.
Khawlaiah KTP chhuak tan
