Tunlaiin Mizoram khawpui hrang hrangah \halaite’n lui leh lui kawr an tifai a, inzawmkhawm pawh awm chuang lovin mahni remchan danin mahni khua \heuhvah an hnatlang sup sup mai.Inrinni khan Lunglei-ah Pialthleng lui tifaiin \halai 100 rual an hnatlang a, bawlhhlawh an chhar khawm bakah he lui a lo thianghlim theih nan hian bawlhhlawh dan nan a hnar vel hung an tum.
Pialthleng hi June a\anga November thlenga Lunglei mipuite tui tlan a ni a, Inrinni-a an hnatlannaah bawlhhlawh a tam na a, bawlhhlawh hi a lo la thleng thui lo hlauh tih thu dawn a ni.
Champhai-ah tun hnaiah Tuipui hnar thianin \halaite an hnatlang a, Khawzawl-ah pawh lui tifaiin \halai an hnatlang. Kolasib-ah pawh Tuichhuahen thianin \halai an hnatlang.
March ni 26 a\ang khan Tlawng lui a lo thianghlim nan, Tlawng luia luang lut Aizawl khawpuia lui kawr thian faiin Save the Riparian tia hming invuahin \halai an hnatlang \hin a, hemi hnu hian Aizawl khawpuiah leh khawpui dangah mahni zawn \heuhvah \halaite’n lui then fai hna an thawk ta sup sup mai a ni.
Aizawlah hian Tlawng lui fintu lui kawr thian faitute bakah veng hrang hrangah hnatlang an awm a, hriat theih chinah Ramhlun North, Bungkawn Vengthar, Bethlehem Veng lamah te leh Zemabawk velah te hnatlang an awm. Zemabawk leh a chhehvel veng 13-a \halaite’n Chite lui lam an thian \hin a ni.
Hmun hrang hranga hnatlangte hian bawlhhlawh hi a lo inang put tih an sawi a, bawlhhlawh \awih thei lo a tam tih an sawi.
Naute diaper hman hnu te, blanket leh puan, silpaulin, bottle ruak, in chhung bungraw chhia, hmeichhe mamawh thil hman hnu te a tam an ti a, hmun \henkhatah chuan khawl thil pawh a tam an ti.
Khawpui hrang hrangah thalaite’n lui thian fai
