Khawtlang din high school hawng
Darlawng khawtlang mipui tangrualin an din thar, Darlawng High School chu Nilaini khan bialtu MLA, Social Welfare minister Er Lalrinawma’n a hawng.
Minister chuan kawtkaiah zirna in pan tur a awm mai loh avangin hmun thenkhatah chuan zirna chhunzawm zel rem loh phah thin tia sawiin, Darlawngah pawh high school mamawhna a lo awm tawh thin tih sawiin, he thil mamawh hi VC, khawtlang nu leh pa leh mi thahnemngai zualte tanrualna zara neih a ni dawn ta chu lawmawm a tih thu a sawi a ni.
Mizoram sawrkarin tunhnaiah zirtirtu thahnem tak a la tih a sawi a. Hei hian sawrkarin zirna a ngaihpawimawh zia a tilang chiang hle tih a sawi.
Darlawng HS hi kumin 2023 session-a tan nghal a ni a. Kumin hian pawl 9, pawl 10 leh pawl 10 zirlai 7 neiin bul an tan a. School building atan BNRGSK hman lailawk a ni.MLA fund leh mi thahnemngaite sum leh pai nen tanghoin school hi enkawl a ni.
Khawtlang din high school hawng
