Khawtlangin kawng chhia siam

Venghnuai Local Council leh veng chhung mi \hahnemngaiten pawisa thawhkhawmin an veng chhunga kawng chhe lai hnatlangin an siam \ha.
Venghnuai Local Council hruaitute’n an sawi dawnin, an veng kawtchhuah a\anga an veng field thleng kawngpui chu fur ruah surin a ti chhe nasa a, lirthei leh kea kalte tan pawh an veng kawng chhuk chho hi zawh a hrehawm a, kawng a chhiat nasat avang hian lirthei ke hnih nei chesual pawh an awm nual tawh. Damdawi ina inenkawl hial ngaite pawh an awm tawh a ni.
Kawng chhia hian veng chhung mipui leh he kawng zawhtute tan harsatna a thlen nasat avangin Local Council hmalaknain kawng chhe lai siam hnatlang hi neih \hin a ni a, veng chhung mi \hahnemngaite sum thawh khawm hmangin kawng chhia hi hnawh a ni a, tun karah ni tin deuh tho kawng siam hian an hnatlang a ni.