Khawvel hmun hrang hrang a entheih turin BTS concert cinema hall-ah live-in chhuah leh dawn

Khawvel hmun hrang hrang a entheih turin BTS concert cinema hall-ah live-in chhuah leh dawn
K-pop group BTS concert cinema hall-ah live a en theihin an tichhuak dawn a, he Kpop supergroup hian kum li dawn concert stage-a an inlan tawh loh hnuah khawvel hmun hrang hranga cinema hall atanga an concert live-a fans lamin an lo thlir theihna tur ‘BTS WORLD TOUR ‘ARIRANG’ IN BUSAN: LIVE VIEWING’ chu June ni 12 leh ni 13-ah neih a ni dawn a, BTS hian Busan Asiad Main Stadium, Busan, South Korea-a zan hnih show hi an nei dawn a ni. Tun hi BTS concert live-a cinema hall atanga en theih a an tihchhuah vawi thumna tur a ni dawn ta a, Goyang leh Tokyo show te pawh an lo tichhuak tawh a ni.
RM, Jin, SUGA, j-hope, Jimin, V leh Jung Kook te chuan seat 53,000 awmna stadium-ah hian homecoming show hi an nei dawn a, June ni 13-a an concert hi khawvel hmun hrang hranga cinema hall-ah live-a tihchhuah a ni dawn a, June ni 13 hi an group debut 13th anniversary a lo ni ve chiah bawk. He live event atana ticket hi May ni 28 atangin an hralh chhuak tan ang.
BTS hi member te sipai nunchan zira South Korea military-a an inziah luh avangin kum li dawn chu group angin an che chhuak thei lo a, mahse, ab mandatory military service-te zoin, kumin March thla khan an album 10-na ‘ARIRANG’ an tlangzarh a, Billboard 200 (US albums) chart No.1-ah a debut a, April ni 9-ah Goyang, South Korea-ah an tour kick off show an nei a, 2022 hnua major tour an neih lehna hmasa ber niin, khawpui 34-ah show vawi 85 neiin, Korean artist zinga tour lian bera chhal a ni.
Tunah hian an tour hi an la kalpui mek a May ni 23, ni 24, ni 27 leh ni 28-ah te pawh hian Allegiant Stadium, Las Vegas-ah show an nei dawn a, chumi kar lakah May ni 25-a 52nd American Music Awards semnaah ‘special appearance’ an nei dawn a, tun kum li chhunga award show-a an inlan vawi khatna tur a ni a, AMA-ah chuan category pathum- artist of the year (he category-ah hian 2021 khan award an dawng tawh nghe nghe), song of the summer leh best K-pop artist (he category-ah hian 2022 khan award an dawng tawh)-ah te an lang.