Lallunghnema
Charity Lodge
Cont: 9862288182
Consumer Huang chhiartute chibai ka buk a che u. Hringnun hi chhiat leh that hian a chenchilh reng a. Kei pawh tun Pathianni khan ka U-in min thihsan a. Lungleia khawsa an nih avangin Lunglei, Chanmari thlanmualah kan vui liam a. Tunah hian lusun chungin he article hi ka buatsaih a ni.
Ka u Vanlalliana thih thuah hian min sunpuitu an thahnem hle a. Consumer Group-ah pawh mi thahnem tak hnen atangin tuarpuina ka dawng a. Ka phu lo hle. He group-ah kher lo pawh kei teh lul hi tuarpuina ka dawng nasa a, ka lawm hle a ni. Hetia lu ka sun avang hian consumer complain pawh ka ngaihsak thei meuh lo. Mahse hun bi neia column nei kan nih avang eawh chuan ka insang phek a, ti hian ka ziak mawlh mawlh a ni. Mimal lusun thu ka han sawi a ni a, ka inthlahrung hle a, mahse lawmthu sawi ka duh si. Lungngaih miTtui tlak kara lawmna hi thup thei ka ni si lo a nih hi!
Consumer Dispute Redressal Commission hi kan sawi thin tawh ang khan khawvela Court rang ber leh man tlawm ber tih a ni thin a. Consumer Protection Act 1986 hman tirh lai phei kha chuan Consumer Forum-a complain file man (Fee) chawi ngai lo hial a ni. MaHse Consumer Protection Act 2019-ah erawh chuan fee a awm ta zel a. Heti chung hian fee tlem ber tih a la ni fan a. Complain hlut zawng nuai nga atanga nuai sawm thlengin Rs 200/- chauh chawi a ngai thing a ni. Heti chung hian Civil Court dangte ai chuan tlawm tak a la ni deuh. Hei bakah hian Consumer Court (Commission) hi ni 90 chhung a complain ching fel ngei ngei tura tih an ni bawk. Chuvangin Consumer commission te chuan a rang thei ang ber leh a hautak lo tei ang bera complain case chin fel chu an tum tur a ni a. Hma pawh an la ngei tur a ni. Social Court (Mipui Vantlang Court) an nih hi an theihnghilh tur a ni lo.
Tun hnaia complain ka dawn thenkhat te hi Apple inleisak, a man bat chungchang te, dawhkan puan lei chungchang te, admission tih chungchang te a ni nawk mai a. Motor part lei thu pawh a tel bawk. Heng hi kan la bawhzui tur a ni.
Tihian complaint hi a lo lut zel a, kan um zui ve zel ang chu. Heti laia pawimawh em em chu Consumer-te huaisenna leh rinawmna a ni. Consumer-te an huaisen lohva an rinawm loh chuan complain-in awmzia a nei dawn lo a ni.
A khat tawkin ka tawn hriat ka ziak thin a. A tak tak te (Reality) a nih avangin midangte tih hmuh ka duh bawk si a. Chuvangin inthlahrung takin tun tumah ka han tar lang leh ngawt dawn a ni.
n Aizawl Electric veng atangin nu pakhat phone call ka dawng a. Ani chuan heti hian a sawi a, “Ka tunu hman tur dawr pakhat ami Violin kan lei ve a. Mahse ‘Sound’ a chhuak thei tlat lova. Rei ngial kan beih hnu chuan eng mah kan ang ta lo va. Tichuan Pro-Sound-ah kan han kal a. Violin kan lei a that loh thu chu kan han hrilh a. Anni chuan lo lain, siam that turin ‘Phai lamah kan thawn dawn nia’ an ti a. Phai ramah chuan repair turin an thawn ta a, mahse, hei tun thla thum zet ral hnu pawh hian chanchin min hrilh lova, an dawrah ka han kal a, ‘lo nghak leh lawk rawh u’ an ti zel a. Ka rawn pun ngawt che a ni,” a ti a.
Kei chaun Violin zuartu te chu ka va phone a, a tuk lawkah chuan Violin thar an lo pe a. An lawm ve khawp mai. Ka lehkhabu ziak pakhat ‘Nupui Chanvo’ tih tlang zarhnaah he nu vannei hi lo tel ve turin ka sawm a. Lo tel an tum nain an lo tel ve thei ta lo a….tun thlengin kan la inhmu ta rih lo a ni.