Khawvela hmeichhe lei chhah ber
Jenny DuVander-i lei chu a’n chhah tha tap tap khawp a, teh kualin inches 5.21 a tling a, Guinness World Record-in khawvela hmeichhe lei chhah berah an puang. DuVander hian a fapa nena khumah Guinness World Record bu an en kualnaah lamah mipa lei chhah ber record a hmu fuh a, chuta tang chuan hmeichhe lei chhah ber a nih ve theih inringin, record a siam zui ta a ni.
DuVander hi a lei a chhah viau nain a hmain a lo la teh ngai miah lo va, Guinness World Record bu a en hnuah a han teh vel chhin a 12 cm a lo tling ta mai a, chumi hnuah official takin dentist-in a lei len zawng a teh sak ta a ni. Record siam tur hian a lei chuah a theih tawpin a chhuah ang a, chu chu dentist-in a lo teh a ngai tur a ni.
DuVander hian a lei a lian bik tih hi chu a tleirawl lai atangin a lo hre tawh a, a lei len bikna chuan phenglawng han tum velah pawh that bik riauna a nei ni a a hriat thu a sawi a, a leiin a hnar a liak pha nghe nghe a ni.
Khawvela hmeichhe lei chhah ber
