American mihang rawlthar, Amir Menendez, kum 14, chu Guinness World Records-in khawvela mipa lubuk ber (largest afro male)-ah a puang. A lu buk hi a san zawng inches 7,74 niin, a zau lai berah inches 9.77 a zau niin, tehkualin inches 88 a tling bawk.
Amir-a hi a lu buk hle mah se khawvela lubuk ber chu a la ni chuang lo, hmeichhe lamah tluk loh pakhat a la nei tlat. Tuna hmeichhe lama lubuk ber record siamtu chu Louisiana a cheng Aevin Dugas, kum 48, niin, a afro hi a san hi inches 9.84 niin, a zau lai berah inches 10.24 a ni a, tehkualin feet 5.41 a tling a ni.
Amir hian mipa lama record siamtu a thlir kuala, chutah chuan record siamtu aiin a lu a buk zawk niin a hre ta a ni. Amir hian kum 11 leh thla 5 mi a nihin a sam a zuah tan a, tun ang zela a nih chuan nakin lawmah Aevin Dugas record hi a lehthal thei ngeiin a rinawm.
Khawvela mipa lubuk ber
