Indian Armed Forces (Army, Navy, Air Force) “Agnipath Scheme” hnuaia Khawzawl district thalai a tam thei ang ber an luh theihna turin addl. DC K Zorammuana leh Army Recruiting Office Aizawl hotute nen Ningani khan hmalakna tur sawiho a nih bakah Govt. Khawzawl College-ah awareness campaign neih a ni.
Agniveer scheme (Agnipath Scheme) hi June 2022-a khuhhawn a ni a. Armed Forces (Army, Navy leh Air Force) a sipai lakna dan thar a ni. Agniveer-a lakluhte hi kum 4 chhung atan niin, kum 4 an thawh zawhah a thiam leh titha zual zaa 25 chu sipai hna pangngaiah lakluh (permanent cadre) an ni anga, a bak zaa 75 chu an chhuak thung ang. Hlawh hi a kum khatnaah thla tin Rs. 30000 atangin a intan anga, a kum 4-naah chuan Rs. 40000 ah a pung ang.
Kum 4 an thawh zawha an chhuah hunah ‘Seva Nidhi Package’ tiin sumfai nuai 11.71 vel pek an ni ang. He sum hi tax awm lo tur a ni a, an thawh chhung hian cheng nuai 48 hu life insurance (non-contributory) pek an ni bawk ang. Agniveer-a thawk chhuak (permanent-a tling lo) te hian pension leh gratuity hamthatna an dawng lo thung.
Kum 17.5 atanga 21 inkar an ni tur a ni a, general duty (GD) tan class 10 pass a ngai a, a dangah chuan class 12 pass ngai a awm bawk. Kum 4 an thawh zawh hian ‘Agniveer Skill Certificate’ pek an ni anga, class 10 pass-a lutte chu class 12 pass-a chiar theihna certificate pek an ni ang.
Khawzawl thalaite India sipaia luh theih dan kawng hrilhfiah
