Hunpui laiin Khawzawla veng tinah Village Defence Party (VDP) intuaithar leh tura ngen an ni.
Krismas leh kumthar vuakveta dan leh thupek kenkawh dan tur relin district bawrhsap K Lalrohlua kaihhruaiin Khawzawl town chhunga dan leh hrai kenkawh dan bawhzuina’n thutkhawm a ni a. Kum 2022-a thutkhawma thurel tawh enleta sawiho a ni.
Hunpui vuakvetah puakthei thil – silai lem a mu nei, halpuah, halmawi, sky lantern leh a dang khap a ni dawn a. Police-ten Khawzawl khawpui chhung hmun thumah duty post siam tura ruahman niin, a bak zawng village council-ten NGO-te nen duty post an siam ang. Awlsam zawka information inpek a nih theih nan duty post-a mawhphurtute contact number DC hnena report tura intih a ni.
VDP intuaithar leh tura ngenna leh mahni veng theuha lo duty ve turin DC office atanga siam nise, tih a ni a. Duty-na tur hmun hi VC-te kuta dah nise tih a ni.
Duty post hrang hrang hi hunpui vuakvet chhungin magistrate leh police-ten an tlawh thin dawn a ni.
Khawzawlah hunpui laiin VDP tuaithar turin ngen
