Khawzawlah RD scheme endik tan
Khawzawl district huamchhunga sawrkar hmalakna hrang hrang endika kal, National Level Monitor for RD Schemes (NLM) chu Khawzawl bawrhsap K Vanlalthiana leh office hrang hrang aiawhte nen Thawhtanni khan an thukhawm.
Endiktu tur hi field investigator pahnih – Anil Kumar Sharma leh Shailesh Kumar an ni a. Khawzawl district-a scheme hrang hrang 11 an endik dawn tih an sawi. Mumal taka endik a theihnan sawrkar office hrang hrang thawhhona tha tak neihpui turin an sawm a. Scheme hrang hrang hnuaia thil tih hlawhtlin tawh leh hmalakna kal mek an zawt a ni. Endikna dan tur leh khaw hrang hrang an tlawh dan tur an rel ho bawk.
NLM hnuaiah hian Khawzawl district-a khaw 10 endik tum a ni a. October 28 atanga November 4 chhunga neih tum a ni. NLM hi sawrkar laipui Ministry of Rural Development hnuaia hmalakna a ni a, district hrang hrang endik tum a ni.
Khawzawlah RD scheme endik tan
