Tunthla, February ni 14-17, 2024 chhung hian Meghalaya khawpui Shillong-ah 1st Khelo India Women Taekwondo League khelh a ni dawn a, he tournament-a Mizoram aiawh tur Mizoram Taekwondo team chuan nimin, Thawhlehni khan Aizawl an chhuahsan.
Khelo India leh Taekwondo Federation of India buatsaih tournament-a Mizoram aiawh turte hi player pakua leh official pahnih bakah cadet player pali leh junior player pangate an ni.
Sawmna an dawn angin technical official turin Mizoram atang hian national neferee pahnih an fehchhuak tel bawk.
Mizoram team thlahna hun hi Thawhtanni khan Republic Veng-thlanga MATA Hall-ah buatsaih niin, Mizoram Amateur Taekwondo Association (MATA) GS Joseph Thansanga’n inkhawm a kaihruai a, coach-te’n report pein, MSSC senior SPO R. Lalrinmawia, MATA president Prof. Rualkhuma Colney, senior vice president VL Sawma leh OB dangte’n thu an sawi.
Thlahna inkhawmah hian Mizoram team sports kit hlanna hun huaihawt nghal a ni bawk.
Mizoram aiawh turte
CADET
1) Lalruatdiki MZU Tkd Club – Under 47 Kg
2) N. Biakmawii ATA, Electric Veng – Under 51Kg
3) Esther Lalchhanchhuahi Kolasib Tkd Club – Under 51Kg
4) Vanlalthlamuanpuii Exodus Tkd Club – Under 55Kg
JUNIOR
1) PC Lalduhawmi ATA, Electric Veng – Under 46 Kg
2) R. Lalbiaknuami TABF, Vaivakawn – Under 49 Kg
3) Fedilia VL Thlamuanpuii Durtlang Tkd Club – Under 52 Kg
4) Remruatpuii Exodus Tkd Club – Under 55 Kg
5) Lalrinhlui Ralte MZU Tkd Club – Under 59 Kg
Coach
1. Lalinpuia – Armed Veng South, TABF
2. Albert Lalrinfela – New Serchhip, Exodus TC
Mizoram aiawh national referee kalte
1. Saiengpuii Sailo – Armed Veng South/ENT
2. Lalhmangaihthangi – Armed Veng/AVTA