Lehkhabu lar “Khengbettu kutbawr chu” tih lettu Thankhumi, kum 96 chu ni 26 zan dar 9.20 khan a boral a, a tukah vuiliam a ni.
“Khengbettu kutbawr chu” hi “The Hands That Drove the Nails” tih, J Fletcher Ray ziah a ni a, Thankhumi lehlin hi 2005 khan Mizo Writers Association-in kum khat chhunga lehkhabu lehlin tha berah an thlang a ni. Hla lar ‘Isua lal ber a ni’ tih pawh hi a lehlin a ni. Thuziak lamah kutchhuak leh sulhnu tha tak tak a nei.
Chanchinbu lar ni thin Zonu-ah 1994-2002 chhung khan editor a ni a, 1981-1984 chhung khan Runlum editor a ni bawk.
Pawl hrang hrangah a inhmang thin a, YMA ni ta YLA-ah pawh 1947-ah khan assistant secretary a ni.
Mi hmasa PS Dahrawka fanu Thankhumi hi tun hnai kum hnih kum thum vel chu taksa chak lohna hrang hrang avangin enkawl a lo ni tawh.
“Khengbettu kutbawr chu” lettu boral
