Tourism department-in “Tourism for All” tih thupui hmanga Tourism Awareness Week hman a mek denchhenin sawrkarin khualzin dawnsawnna hrang hrang, pawl emaw mimal emaw hnena a enkawl hna a hlanchhawna thawktute tan July 30 atanga August 2 inkar hian Aizawlah an hriat tur tul inhrilh leh zirtirna a buatsaih.
Thawhlehnia training tanna hmanpuitu Tourism minister Lalrinpuii chuan sawrkarin Tourism department hnuaia hmunhma pawimawh tak tak a neihte thawhdunna siama midang enkawl tura hlan a nih chhan hriatthiampui turin a chah a. Tha lehzuala hmunhma leh hmanraw neih angte neitu thinlung pu chunga enkawl turin a sawm.
Khualzin dawnsawn, ei leh in siam dan, personality development leh sum enkawl dan thlengin uluk taka ngaihtuahna sen a tul tih sawiin, tourism chu chhiah la lut thei department a nih piahlamah mipui ngheng reng department a nih avangin theihtawp chhuah turin a chah bawk.
Training hi Administrative Training Institute-in a kalpui dawn a ni.
Khualzin dawngsawngtute tan an hriat tur tul inhrilh
