Khualzin tamin ruihhlo kengtel
– Excise minister
Tourism lamah Mizoram-in hma a sawn rualin, khualzin an tamin ruihhlo a kengtel thin a, tan lak a ngai tih
Excise & Narcotics minister Lalnghinglova Hmar chuan a sawi.
Zirtawpni khan Excise & Narcotics Station Saitualah Excise minister Lalnghinglova Hmar hoin Pathian hnena inhlan tharna hun an hmang a. Saitual Station chu kum khat chauha upa ni mah se, hmasawnna tam tak hmuh tur a awm a, hei hian a thawkte thawhrimna leh khawtlang tawiawmna a lang tih a sawi. Saitual chu Manipur atanga ruihhlo lakluhna kalkawng a nih bakah tourism lama hmasawnna a lawmawm rualin, khualzin tam chuan ruihhlo a ken tel thin avangin tan lak zual zel a ngai tih a sawi a ni.
Excise & Narcotics Station Saitual District-ah hian staff 9 an awm a, MHIP leh Sub-Hqrs YMA Kumpuan nen tanghoin Counselling Board din a ni a, ruihhlo kaihhnawiha an man ho counselling pek thin a ni. Kum 2025 chhung hian Saitual district-a khaw awm zawng zawng fan chhuah niin, zu, ruihhlo, zu bilhna bungbel leh a phurhna lirthei engemawzat man a ni. ND&PS Act 1985 leh MLP Act 2019 hnuaiah mi engemawzat thubuai siam sak an ni tawh.
Khualzin tamin ruihhlo kengtel – Excise minister
