Thawhleh zan khan Indian Premier League (IPL) player khelh tan a ni a. Qualifier 1-ah Chennai Super Kings in champion lai Gujarat Titans an hneh a, final an lut. Titans hian final luh theihna hun tha dang an la nei a, Lucknow Super Giants leh Mumbai Indians te inkhela chak zawk zawk an hmachhawn zui leh ang.
IPL 2023 – Qualifier 1-ah hian Chennai Super Kings in vuak hmasak an thlang a, bul an tan tha viau. Chennai team lian hian over 20-ah run 172 an thawkchhuak a, mi pasarih an out. Kings tan hian Ruturaj Gaikwad chuan ball 44 atangin run 60 a vawchhuak a. Devon Conway chuan ball 34 atangi run 40 a thawkchhuak ve bawk.
Vaw hnuhnung zawka tang Gujarat Titans in over 20-ah run 157 an thawkchhuak a, an out fai vek bawk. An khingpuite hi run 15 in an um phak lova, tlawm zawkah an tang zui ta a ni. Gujarat Titans tan hian half century siam phak an awm lo va, run siam hnem ber Shubman Gill chuan ball 38 atangin run 44 a thawkchhuak.
Champion lai Gujarat Titans lakah an chak vangin Chennai Super Kings hian IPL 2023 final an lut nghal a. Pathianni zana final khel turin inbuatsaihna an kalpui nghal ang. Chennai Super Kings lakah tlawm mah se Gujarat Titans hian final luh theihna hun tha an la nei zui tho a. Qualifier 2-a inhmachhawn Lucknow Super Giants leh Mumbai Indians te inkhela chak zawk zawk an hmachhawn zui leh ang a. An chak a nih chuan pathianni zan final-ah Chennai Super Kings hmachhawn an hmachhawn zui leh ang.
Kings in IPL final an lut
![](https://theaizawlpost.org/wp-content/uploads/tap_logo-min-large.jpg)