Kiss

Kiss
Kan hmangaih te chu kan kiss a, ka kiss te chu kan hmangaih thin! Relationship lama mithiam ten an ti! Chuvang chu a nia, in-kiss hi kan kawppui te hnena an laka kan rilru leh kan feeling-te kan tihlan theihna awlsam ber an tih ni. Chumai a la ni lo, in-kiss hi taksa hrisel nan pawh a tha an la ti leh zel.
Kan hmangaih te nena kan in-kiss hian kan inzawmna a nghet sauh niin an sawi. Kan inngaihzawn lai chuan kan in-kiss nasa a, remchang kan neihah kan in-kiss deuh zel a ni ber mai a, kan inngaiin, kan inhmangaih vanglai a ni thin. Mahse, kan innei a, nupaah kan insiam ta a, kan in-kiss khat ta telh telh a, a rei deuh hnuah phei chuan kan in-kiss ngai ta mang lo. Kan inngaihzawn lai nena khai khin chuan kan inkar boruak tek deuh sek sek pawh a tlahniam tawh hle thin a ni. Chuvangin, nupa nun min phuar nghet turin in-kiss fo a pawimawh.
Kan in-kiss hian love hormone an tih mai, oxytocin a lo chhuak a, chu chuan kan inlaichinna a tinghet sawt thin. In-kiss ngun apiang an an inphuar nghet a, an inlaichinna a nghet rei zawk thin niin an sawi. Duhthawh leh lungchim taka inla in-kiss theih chuan in pahnih inkar chu a la inphuar nghet hle tihna a ni, a chhan chu duhthawh leh lungchim taka a lem lema in-kiss chu a theih mang tlat loh.
Tu emaw nen in in-date thar a nih chuan in vawikhat in-kiss dan boruak kha ngaihtuah vang vang la, in induhna a nasat dan i hre thei mai ang. Chutiang chiah chuan in in-kiss laia in awmdan leh a boruak khan engtianga induh leh inzawm nghet nge in nih tih a hriat theih niin relationship lama mithiam ten an sawi.
In-kiss laiin i meng hleithei lo tiraw! A chhan chu kan in-kiss hian min tihlimtu hormone, endorphin a chhuah tam vang a ni. Endorphins chu min tihlimtu leh nuam min hriattirtu hormone a ni a, kan taksain natna a dolet theihna a tichak thei bawk. Psychologist-te chuan in-kiss hi depression damdawi tha tak a ni an ti hial a ni.
Mithiam te chuan duhthawk taka rei tawk fang in-kiss hian kan hmai tihrawl 34 bakah postural muscle 112 tan exercise tha tak a nih thu an sawi. Hetianga in-kiss hian tihrawl a timar a, thisen luang (blood circulation) a siamtha bawk. In-kiss laiin kan energy tam tak kan hmang a, chu chu nghawng leh jawline tan exercise tha tak a ni a, wrinkles a veng thei a, mi a tilang naupang thei niin an sawi.
In-kiss chu lung (heart) tan pawh a tha. In-kiss laiin kan lung-in thisen a pump nasa sawt a, chu chuan blood pressure sang tur a veng a, thisen luang vel a titha a, chu chu lung hrisel nan a tha hle a ni. In-kiss hian calorie 10-15 vel a burn thei niin an chhut ve tlat bawk.
Stress tiziaawmtu tha tak a ni. Nilengin hah takin hna i thawk a, tlaiah i haw a, i nupui/pasal in duat takin a lo fawp che a, i hahdam a sawng sawng ang. In-kiss hian stress hormone (cortisol) a tihhniam avangin stress reliever tha tak a ni. Cortisol hi kan immune system, endocrine system leh thluak hriselna atan a tha lo thei. Chuvangin in-kiss hian kan taksa tana thil tha ti kan lo ni reng. Hmui chuktuah a duhthawh taka in-kiss reng kha a kawk chuang lo, duat taka bianga infawh sak zauh te, chala dimtea infawh sak mai te pawhin mi a tihahdam sawng sawng thei a ni.