Kohhran hruaitute
HIV sawipui
District AIDS Prevention & Control Committee, District Nasha Mukt Bharat Abhiyan leh District Narco-Coordination Centre Khawzawl tangho buatsaihin Nilaini khan Khawzawl district chhunga kohhran hrang hrang hruaitute hnenah ruihhlo leh HIV/AIDS chungchang hriatchian ngai inhrilhhriat a ni a, bawrhsap K Vanlalthiana chuan a kaihruai.
Heta sawi danin, Mizoramah HIV prevalance (mi cheng zat za zela chhuta HIV vei hmuhchhuah tawh leh hmuhchhuah thar belhkhawm) chu 2.73% a ni a, India ramah a sang ber kan ni. Prevalance san chhan hi, Mizorama HIV vei hmuhchhuah tawhten ART an ei thata an dam rei avang a ni a, kum 2016 atang khan Mizoramah HIV vei hmuhchhuah thar (incidence) erawh a tlem tual tual tih sawi a ni.
Thutkhawmah hian kohhran hruaitu thahnem tak an tel a, HIV leh ruihhlo do kawnga hma lak zel dan tur sawiho a ni.
Kohhran hruaitute HIV sawipui
