Chanmari Presbyterian Kohhran Aizawl chuan, Pathianni khan Sunday School inkhawmah an kohhran member, hla phuah thiam pahnih an chawimawi.
Kristian Hla Bu No. 129 ‘Khawvel thim en tura chu’ tih hla phuahtu Thandanga (93) leh Kristian Hla Bu No. 121 ‘Kumsul liam hnu” tih phuahtu C Lalkhawliana (86) te hnenah chawimawina thuziak leh sumfai Rs. 5000 ve ve kohhran hian a hlan a, an hla phuah hi kohhran mipuiin an sa ve ve nghal a ni.
Thudawn danin, Thandanga hi taksa chak lohna vangin he hunah hian a inkhawm thei loa, KHB No 129-na a phuah dan leh lawmthu a sawina record ngaihthlak a ni. C Lalkhawliana erawh inkhawm theiin kohhran mipui hmaah KHB No. 121-na a phuah dan a sawi a ni. C. Lalkhawliana hi MJA Gen. Hqrs. president hlui niin, Mizorama Saptawng chanchinbu hmasa ber ‘Highlander’ editor a ni.
Kohhran mi chawimawi
