Mizoram Journalists’ Association (MJA) Kolasib District chuan Thawhtanni khan Kolasib-ah annual conference an hmang a. SDO (Sadar) Kolasib H Lalramliana’n a hmanpui.
An thurel zingah Kolasib district chhunga national highway siamthat mek leh four lane kawngpui siam chungchangah chak zawka hma lak a nih theihnan MJA-in a tul angin bawhzui nise; Kolasib district chhunga ramri duty police-te an dinhmun zirchiang turin a hmuna tlawh nise; Kolasib Press Club sak mek chu kumina hawn hman ngei turin chak taka hma lak nise, tih leh, District MJA-in kumin chhungin fehchhuah hun neih nise tihte a tel.
MJA Kolasib District president Andrew Vanlalauva’n thuchah sawiin, MJA chu ram leh khawtlang tana tangkaina nei thei pawl a nih angin member-te intuaithar zel a pawimawh a, thiamna thar lo chhuak zelah media mite chu an hnathawhna kawngah tunlai thiamna thar hmang tangkai tura inzir peih a ngai tih a sawi. Executive member R. Lalhmingthanga’n ‘Changing Nature of the Press’ tih thupui hmangin paper a present a. Khawvel hmasawn zel leh kalphung danglam zel kara press mite dinhmun leh hriat tur pawimawh a sawi a ni.
Kolasib MJA an inkhawmpui
