Kolasib District Consultative Committee (DCC), District Level Review Committee (DLRC) leh District Level Security Committee (DLSC) chu an chairman, district bawrhsap John LT Sanga hoin Nilaini khan an thukhawm.
Chairman chuan bank aiawhte chu Kolasib district hmasawn nan mawhphurhna lian tak an nei tih hria a, bank hmalakna a that lehzual theih nan theihtawp chhuah turin a chah. Mipuiin bank kaltlanga dil theih scheme hrang hrang an hriat zau a, an hriat tam theih nan inzirtir tam a pawimawh tih sawiin, thingtlang kilkhawr zawka awmte tan a tam thei ang ber awareness campaign nei thin turin a fuih.
Thutkhawmah hian lead bank office-a lead district manager (Kolasib & Mamit) Lalengmawii leh NABARD hnuaia district development manager (Kolasib & Mamit) JD Traite te bakah Reserve Bank of India (RBI) Aizawl aiawhte, bank hrang hrang leh line department aiawhte an tel.
Thutkhawm hmasa, September 18-a DCC meeting minute pawm a ni a. Kumin July atanga September (2nd quarter 2023-24) chhunga Kolasib district-a bank hrang hrang hnathawh thlirlet niin, hmachhawp an neih leh hmalak zui dan tur sawi ho nghal a ni.
Kolasiba bank hmalakna thlirho
