Korea Open Super 500 badminton tournament men’s doubles final-ah nimin, Pa-thianni khan Indian pair Satwiksairaj Rankireddy leh Chirag Shetty chuan match 10 an chak zawnna ni turin top seeds Fajar Alfian leh Muha-mmad Rian Ardianto of Indone-sia lakah hnehna an sualchhuak a, world No. 3 Indian pair hi kumin an vawithum champion-na a ni tawh.
Satwik-Chirag thawkdun hian nimin Yeosu khaw final-ah game hmasaber hloh zet chungin 17-21, 21-13, 21-14 hnehna an changlet a; kumin kumtir lam khan Indonesia Super 1000 leh Swiss Open Super 500 title an lo la dun tawh bawk.
2022 Commonwealth Games champion Satwik leh Chirag hian kumina Swiss Open leh Indonesia Open trophy an hawn bakah Asian Championship title an hlawhchhuak dun bawk.
Indian pair hian Pathiannia an khingpui Asian Games silver medallists Alfian leh Ardianto-te inkawp lakah khan final khelh hma thlengin head-to-head record 2-2 an nei a, chutih laiin an intawn hnuhnung vawihnihah Indonesian pair hi an hneh ve ve a, South Korea lamah a zawna a vawithumna atan an hneh nawn leh ta a ni.
An inkawp hnuah Satwik leh Chirag hian title an hlap-chhuak nual tawh a, chu’ng zingah chuan Commonwealth Games gold, Thomas Cup gold leh World Championship bronze medal a tel.
An champion tawhna dangte chu Super 300 (Syed Modi & Swiss Open), Super 500 (Thailand & India Open), Super 750 (French Open) leh Indonesia Open Super 1000-te a ni.
Korea Open hnehtu Satwik-Chirag
