President hlui Ram Nath Kovind kaihhruai “one nation one election” high-level committee te chuan a ruala inthlan neih tur leh tur loh chungchanga report an siam chu President Droupadi Murmu hnenah March 14 khan an thehlut ta a. Committee te hian Rashtrapati Bhavan-ah Honourable President of India chu an hmu a ni.
Report hi phek 18,626 zeta sei niin stakeholder, expert leh nasa taka an rawn hnuah leh research work ni 191 an tih hnuah zawhfel theih chauh a ni.
Report an siamah panel te chuan a ruala inthlan simultaneous poll chuan hmasawnna tichakin vantlang inlungrualna zawk leh democratic foundation tinghetin “India, that is Bharat” aspiration chu a tihlawhtling chak zawk ang an ti a.
Panel chuan common electoral roll leh voter ID cards te chu State election thuneitute rawn chungin Election Commission of India chuan tichhuak se a ti bawk a.
Hei bakah hian panel chuan constitution amendment tam tak siam ngai dawnin chung zinga a tam ber te chu State tena an pawmpui ngai a ni dawn an ti bawk.
Tun dinhmunah chuan ECI chu Lok Sabha leh assembley poll huaihawt tu niin local poll municipaities leh panchayats te chu state election comission buatsaih a ni thung.
Kovind panel-ah hian Home Minister Amit Shah te, Rajya Sabha a leader of Opposition ni thin Ghulam Nabi Azad te, Finance Commission chairman hlui N.K. Singh te, Lok Sabha Secretary general hlui Subhash Kashyap te leh senior advocate Harish Salve te an tel a. Committee chu 2, September, 2023 khan din a ni a, Law Minister Arjun Ram Meghwal chu spcial invitee a ni bawk.
Lok Sabha a Congress leader Adhir Ranjan Chowdhury erawh committee chu hmaiphihna mai mai a ni a, a ruala inthlan an rawt dawn sa tia sawiin a tel duh lo thung.
22nd Law Commission pawhin he mi chungchang hi ngaihtuah tawhin kum 2029 atang chuan a ruala inthlan kalpui ni se a lo ti tawh bawk a. Law Commission chuan an thlir dan chu Kovind panel hnenah hian an thehlut tawh a, an final report pawh Law Ministry-ah an theh lut thuai dawn bawk.
Kovind panel ten report thehlut tawh
