KPop Demon Hunters soundtrack ‘Golden’-in IB view a kai
Animated movie KPop Demon Hunters soundtrack HUNTRIX “Golden” chuan YouTube-ah vawi tluklehdingawn en a hlawh ta a, thla sarih pawh tling loah he mellung hi a thleng thei.
He animated film-a “Golden” hla satu, HUNTRIX tana aw thawhtu te EJAE, Audrey Nuna leh REI AMI te tan pawh YouTube-a video vawi tluklehdingawn chin en hlawh thei an neih vawi khatna theuh a ni. He hla hian tunkar tir khan Golden Globes-ah best original song award a dawng tawh bawk a, Oscar hial pawh dawng thei tura rinkai a ni.
KPop Demon Hunters soundtrack te hi a hit hlawm khawp mai a, “Golden” bakah hian “Soda Pop,” “Your Idol,” “How It’s Done,” “TAKEDOWN,” “What It Sounds Like,” leh “Free” te pawh Billboard Hot 100 leh Billboard Global 200 chart-ah te pawh an lang vek bawk.
“Golden” hi Billboard Hot 100 (US singles) chart-ah kar riat a No.1 thei a, Billboard Global 200 chart-ah a No.1 thei bawk a, 2025 Billboard staff year-end best song list-ah No.1 a ni bawk.
KPop Demon Hunters soundtrack ‘Golden’-in IB view a kai
