R.Lalrinkima
Hidden Lodge
Chanmari, Aizawl
A ruk deuh tê tê khan bialnu te Krismas Card tur kan han lei a, thian dangte ta nen chuan a thu pawh kha kan han thlang uluk ve angreng viau thin a nih kha. Kum hlui ami chu kumtharah hman theih a lo ni tawh chiah lo a, a dawngtu pawh a hran daih tawh tho mai thei bawk a? Chutiang bawkin keini pawh tu emaw khan min han thawn ngei a, inti luck deuh phei chuan pahnih thumte pawh an dawng awm e! Hei hian min ti krismass thin viau a nih kha; tunah chuan phone lampangah chibai bukna kan han inthawn ta a, krismas card chuan nunhlui an chang ta der mai, a khawhar thlak lehling angreng viau a ni.
Pu Jim Reeves-a’n thingrem hlui bal paw thak chhunga krismas card hlui tawh tak mai, thler deuh hnuang leh da deuh bui tawhin a lung a tihlen thu te, chu card hlui tawh tak mai, mahse zing ni chhuak eng mawi takin zing daifim a chhun tlet sar mawina ang thoa a la hlut zia te a han chham chho dup dup hi chuan lung a kuai thin teh e. Bang leh krismas tree-a krismas card kan dawnte kan han khai lang iarh a, tu emaw min pek kha hlu bik riau leh mit la bik riau te kha a awm chiang alawm! Zep thu a cheng lo, card thu kente khan hlimna leh lawmna ril tak min neihtir a, a lungleng zawnga ngaih ulh phei chuan tihdanglamin min awmtir ruai ruai ve alawm le! Nunhlui chhui kira lunglen chhingmittui lo far fup fup pawh ni se indem theih a nih loh thu te pawh a chham tel a, a awm ve reng mai.
Chu card hlui atang chuan tuemaw nena Massi an hman dun hmasak berte pawh mitthlaah lo langin chu card hlui chuan ngaihtuah loh tur tur te pawh a ngaihtuahtir zut zut a nih ber mai hi maw. A dik reng mai, card chhung veilam chunga ‘My Dear Love’ tihin a intan a, card hnuai lam kila ‘Yours forever’ tih hnuaia hming han lang kuau te chuan a ngaihtuahna a hruai kual thui ve ngawt hle tih a chiang ngawt mai.
Ni e, card thuken tak kha chu chhiar liam puat puat thei pawh a ni ang a, amaherawhchu a hnuai kila hming erawh chuan chhiar puat a hlawh lo chiang ngawt ang.
Tichuan, he thu hmang hian khawvel hmun tina ka then leh rual, u leh nau, tu leh fate zawng zawngte krismas card ka han thawn a che u.
“An Old Christmas Card”
(It’s a memory of an old Christmas card)
There’s an old Christmas card in an old dusty trunk
And it brings back sweet mem’ries dear to me
‘Tho it’s faded and worn, it’s as precious as the morn
When I found it ‘neath our first Christmas tree.
I thrill with every word, every line
Guess I’m always sentimental ‘round this time
Pardon me if a tear falls among my Christmas cheer
It’s the mem’ry of an old Christmas card.
You know, I don’t know why
I get to feeling sentimental
About this time, every year.
But every time I see a Christmas card,
I somehow can’t help reminiscing.
About the very first Christmas
that you and I spent together.
What a beautiful Christmas card
you gave me that year.
Why, I know you must have looked
through thousands of cards to find
that wonderful poem
that still brings a tear to my eyes.
I thrill with every word, every line
Guess I’m always sentimental ‘round this time
Pardon me if a tear falls among my Christmas cheer
It’s the mem’ry of an old Christmas card…