Labour Employment, Skill Development & Entreprenuer department chuan Dawrpui Multipurpose Centre Aizawlah ‘2nd Winter Wonderland Christmas Fair 2023’ a buatsaih a, Nilaini khan LESDE secretary Lalramsanga Sailo chuan a hawng.
He Fair hi local entrepreneur-te thilsiam zawrhna tura buatsaih a ni a, LESDE department leh Ministry of Micro, Small and Medium Enterprises (MSME) tangduna buatsaih a ni.
LESDE secretary chuan Udyam registered entrepreneur-te theihtawp chhuah zel turin a fuih a, micro leh small business enterprises chu ram economy siamthatna atana dinhmun tha tak chelhtu, mipui mamawh petu leh midangte eizawnna siamsaktu a ni, tiin, fair hi tualchhung entrepreneur-te tana buatsaih a nih angin hlawk taka hmang turin a chah.
Fair-ah hian entrepreneur 60-in stall an hawng a. Thawmhnaw, ei leh in, Krismas kaihhnawih bungrua leh thilpek chi, gifts item, decoration, handloom, handicraft leh thildang a awm. December 22 thleng neih a ni ang.
Krismas Fair buatsaih
