Krismas hma in tar pension
Sawrkar laipui leh state sawrkarin a thawh rawn thin, kum upate tana sawrkarin pension a pek ve chu buaina neuh neuh an neih avangin pek chhuah theih mai a ni loa, state-in a tum tur bik chu Krismas hmaa pekchhuah tumin an buaipui mek tih Social Welfare minister Lalrinpuii chuan a sawi.
Thuthar thehdarhtute a kawmnaah minister chuan, an sawrkar hnu ah state-in he pension atana sum a pek ve thin chu tihpun a ni a, buaina an neih zui tak avangin engemaw chen an pe chhuak thei loa, an inchingfel tan chauh a, sawrkar laipui lamin kalphung an thlak a, state leh central share hi a luhkawp a ngaih si avangin a hunah an pechhuak thei ta lo tih a sawi.
Central share pekchhuah tur hi kan dawn thuai theihnan nasa takin an zuk nawr a, chuti chungin, hmanhmawh hleihtheih lohin harsatna a awm a, chinfel tuma an buaipui mek lai hian, Krismas hma ngeia state in a pek tur pek dan tal hi an ngaihtuah dawn tih a sawi a ni.
Krismas hma in tar pension
