Krishi Vigyan Kendra (KVK) Kolasib District buatsaihin Bilkhawthlir Kuhva Chingtu Pawl tan Nilaini khan tunlai thiamna hmanga hlawk zawk leh hrisel zawka kuhva rah an thar theih dan tur an zirtir.
Hmanpuitu Kolasib district bawrhsap H Dolianbuaia chuan, kuhva chu Mizoram tan eizawnna kawnga innghahna ban pawimawh tak a ni, tiin, state economy chawikang theitu lian tak a ni tih a sawi a. Hlawhtlinna tluantling zawk nei tur chuan mahni ngaihdan ngawt kalpui loa, mithiamte thurawn la thin turin a chah.
KVK Kolasib senior scientist & head Dr Michelle C Lallawmkimi chuan, KVK mithiam, thiamna hrang hrang neite chu tangkai taka hmang a, anmahni rawn nachang hria a, an thurawn zawm thin turin kuhva chingtute a chah.
Training-ah hian KVK mithiamten hlawm hrang hrangah thenin an zirtir a. Nglenghet taka kuhva kung hrisel an neih theih dan tur, lei tha leh hrisel neih reng theih dan, natna leh rannung laka kuhva leh a kung venhimna lam, hlawk zawka kuhva thar kawnga hriat tur dangte zirtirin, zawhna awmte an chhang bawk.
Kuhva chingtute hriat tur zirtir
