Tualchhunga kuhva rah tharte hralhna tha zawk an neih theih nan sawrkarin minimum support price siamsak turin kuhva chingtuten an ngen.
Mamit District Thalai Pawl leh Hachhek Bial Kuhva Chingtu Pawl chuan Mizorama kuhva tharchhuahte hralh kawngah state sawrkarin kuthnathawktute kuta dah mai loin, an mamawh ang hralhna tha zawk an nei theihnana hma laksak a, minimum support price siamsak tur leh Mizoram kuhva tharchhuahte state danga a hnawn mai lohnan hma laksak turin an ngen tih an sawi.
Ramdang atanga Mizorama dan loa kuhva rah lakluhte danna atana Mamit district chhung – Dapchhuah leh Zamuanga state sawrkarin police check post a siam chu rintlak leh changtlung zawka thuamtha turin sawrkar an ngen tih an sawi bawk.
Kuhva chingtuten sawrkarah minimum support price ngen
