Bilkhawthlir Kuhva Chingtu Pawl chuan an huamchhung kaltlanga ramdanga atanga dan loa tawlhluh kuhva rah dan hna thawh zel an tum tih an sawi.
Bilkhawthlir Kuhva Chingtu Cooperative Society Ltd lam kaihhruaia Thawhtannia thutkhawmah dan loa Burma atanga kuhva rawn lut dangchat tura tunhnaia hma an laknaa an hmingchhiatna leh an kal zel dan tur an sawi ho.
Tunhnaia duty-te tihmingchhe zawnga video leh audio record darh chu sawihoin, a theih ang anga an inchhui hnuah, kuhva hmanga dan loa sumdawng thinten mipui lungrualna tichhe tura dawt hmanga an siam a ni thin tih sawi a ni. Dan loa Burma kuhva kal tam lutuk avanga an kuhva thar tun thlenga an la hralh theih loh avangin ngawrh lehzuala duty chhunzawm zel nise an ti.
Kuhva tawlhruk ven zel tum
