Kum 16 hnuai lam tan social media luh khap dawn
Australia chuan naupang kum 16 hnuai lam tan social media luh khapna dan siam a tum a, an ti thei a nih chuan khawvela hmahruaitu ram an ni ang.
Prime minister Anthony Albanese chuan hemi chungchang hi sawichhuakin, karleha parliament thutkhawm an neih hunah pharh a nih tur thu a sawi a, social media in an ram naupangte chunga harsatna tam tak a thlen thin chu a ziaawm phah ngei theih nana ruahmanna siam an nih thu a sawi.
Albanese chuan he thil an ruahman hi nu leh pate tan a nih thu sawiin, amah ang bawka fate enkawl kawnga buai ve tak tak nu leh pate dinhmun chu a hriatthiampui thu sawiin, sorkar chu nu leh pate hnungah a din zel dawn thu a sawi a, social media chu hneh an tum tlan a ngaih thu a sawi.
Chipchiar takin khap an tum dan hi sawi a la ni chiah lo nain, kum 16 hnuai lo awm tawhte chu a huam dawn lo nia sawi a ni a, kum 16 hnuai lam khawih thar tur tan erawh khap an tum nia sawi a ni bawk.
Prime minister chuan social media chu mi tam takin an hmansual nasat tawh avangin naupang leh thalai nun zir chho mekte tan fimkhur a ngaih tak zet thu a sawi a, khauh taka invenna kalpui chu tihmakmawh a nih thu a sawi.
Kum 16 hnuai lam tan social media luh khap dawn
