Ella Langley hla hit “Choosin’ Texas” chu Billboard Hot 100 (US singles) chart-ah a No.1 a, he chart-ah hian a zawn lovin kar 26 a No.1 tling ta a, Hot 100 chart-a kum chanve chhung zet No.1 ni thei niin, he chart-a No.1 ni rei ber a nihna a rawn sawh nghet leh ta sauh a ni.
“Choosin’ Texas” chu kumin February thla khan chart-ah a vawi khat nan No.1 niin, chuta \ang chuan vawiin thlengin a zawn ni lovin kar 26 a No.1 tling ta a ni. A hmaa he record siamtu Mariah Carey Krismas lengzem “All I Want for Christmas Is You” chu chart-ah hian 2019 leh 2026 inkarah kar 22 a No.1 thei a, he hla hi Krismas vuakvetah chart No.1 a rawn kai leh \hin a, kuminah pawh December thla laihawl vel a\ang chuan No.1 ni leh ngei tura ngaih a ni a, Ella Langley record hi a rawn umpha leh nghal thei ang em tihin ngaihven a hlawh nghal hle a ni.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh offical video), sales data leh radio airplay te chu tehna pawimawh a ni a, Billboard chart atan hian independent data provider Luminate data an ring \hin a ni.
“Choosin’ Texas” hian kar khat chhungin US stream maktaduai 19.2 leh radio airplay ngaithlathu maktaduai 57.8 bakah sales 3,000 nei lehin, hei hi a kar 26 nan chart-ah a No.1 pui leh ta a, Hot Country Songs chart-ah phei chuan kar 47 a No.1 tling tawh.
Tate McRae “Housewife”-in stream maktaduai 20.8 nei lehin No.2-ah bawk a la awm a, Stella Lefty “Boston” chu No.6 a\angin No.3 a kai thar leh ta a, Morgan Wallen “Been by Now” pawh No.7 a\angin No.4 a kai thar leh ta a, Tame Impala leh JENNIE “Dracula” chu No.8 a\angin No.5-ah a invawrh thar ve leh ta bawk.
ADELA “Nicole Kidman” chu No.9 a\angin No.6-ah a insawn thar leh ta a, Olivia Rodrigo leh Chappell Roan “Expectation” chu No.3 a\angin No.7-ah a tawlh a, chart No.1 hlui Taylor Swift “Patient Zero” chu No.5 a\angin No.8-ah a tawlh a, Karol G, Judeline leh rusowsky “BbY WOW” chu No.12 a\angin No.9 a rawn kar thar leh ta a, chart No.1 lui bawk Ariana Grande “Hate That I Made You Love Me” chu No.11 a\angin No.10-ah a insawn ve leh hret bawk.
Kum chanve chhung “Choosin’ Texas”-in thlangtu a ngah ta ber
