Meth lakah Mizoram a la him tia sawi a ni na a, man
tur hi chu a awm ve reng. Kuminah pawh kum chawhnu lamah meth man tur a pung niin a lang.
Mizoram Excise & Narcotics (MEN) department-in September thla thleng khan kuminah meth hi kg 46.715 an man tawh a, a tam zawk fe hi chu kum chawhnu lama an man a ni.
An chhinchhiahna enin, May thla thleng khan kuminah kg 4.056 an man a, kg 42.659 dang chu June hnua an man niin, thla li chhungin kg 42.659 an man tihna a ni.
June leh July-ah khan kg 28.877 an man a, August-ah kg 9.782 an man. September-ah an man leh nual bawk.
Ruihhlo chi khat ‘methamphetamine’ hi ‘meth’ tia sawi mai a ni a, Mizo Thalaite chu he ruihhlo lakah hian an la him nia ngaih a ni. Mahse man tur a awm ve reng a, Mizoram hi meth zuartute’n kalkawng atana an hman vang a nih thu MEN department lam chuan an sawi.
An sawi danin, Mizorama an mante hi khawchhak lam aTanga lakluh, Mizoram pawn hmun hrang hranga mi tur a ni.
Kum chawhnu lamah Meth man belh zel
