Kum hnih chhungin thiam loh chan tir mi za an awm

Lawngtlai district-ah kum hnih kalta chhung khan pawikhawihna thilal thiam loh chantir mi 100 an awm.
Lawngtlai Superintendent of Police PC Lalchunglura kaihruaiin Ningani khan kum hnih kalta chhunga an district-a police hnathawh an thlirlet a. Report atanga a lan danin, kum 2024 chhung khan case ziahluh 87 a awm a, case tam ber hi rukruk case a ni. Heng case zinga 76-ah chargesheet a ni a, case 11-ah final report thehlutin, pending investigation a awm lo. Case 42-ah accused convict an ni a, court pending trial 30 a la awm a ni.
Kum 2025-ah case ziahluh 69 a awm a. Kum 2024 aiin case ziahluh a tlemna hi zaah 20.68 a ni. Kum 2025-a case neih zingah rukruk – 15 (21.73%), in rawk – 12 (17.40%), nunna chan phahna khawp lirthei chetsualna – 4, POCSO case 6, ND&PS case 4, ralthuam leh a kaihhnawih tawlh – Arms Act-ah case 5 a ni.
Case 69 zingah chargesheet 47 thehluh a ni a, case 13-ah final report thehluh niin, pending investigation 9 a awm. Case 24-ah pawikhawihtu thiam loh chantir (convict) awm tawhin, court-a inchiah mek 17 a awm.